പാലാഴി മഥനം

പാലാഴി മഥനം കഴിഞ്ഞുവെന്നോ ?
കടകോലായ് കുഴഞ്ഞ
 മന്ഥര ഗിരിയതറിഞ്ഞില്ലേ ? 
കയറായി വലിഞ്ഞു വലഞ്ഞ
വാസുകി  പോലുമറിഞ്ഞില്ലേ ?
ഇളകി മറഞ്ഞ പാൽക്കടൽ പോലും
തളർന്നു മയങ്ങിയതറിഞ്ഞില്ലേ ?
കാളകൂടം ഭുജിച്ചനശ്വര
നീല
കന്ധരനായ
ചന്ദ്ര ശേഖരനറിഞ്ഞില്ലേ ?

ദേവന്മാരെവിടെ ?അസുരന്മാരെവിടെ ?

എന്തിനായ് പാൽക്കടൽ കടഞ്ഞെടുത്തു ?
പറയൂ നീ ഹിമഗിരി നന്ദിനീ കണ്ടുവോ
പാലാഴി മഥനം കണ്‍ കുളിർക്കെ ?
പ്രിയ നാഥൻ തന്റെ കണ്‍0ത്തിൽ വിരൽ ചേർത്തു
വിഷമിറ ങ്ങാതെ തടഞ്ഞ നേരം
ദേവിയും അറിഞ്ഞില്ലേ ,കണ്ടതില്ലേ ?
ഈ പാലാഴി മഥനത്തിൻ കഥകളൊന്നും ?
നാരദ മഹർഷെ അങ്ങ് പോലും
എന്തിനു അന്ധനായ്‌ നോക്കി നിന്നു ?
എവിടെപ്പോയ് ദേവകൾ ?
എവിടെപ്പോയ് അസുരന്മാർ ?
അവർക്കേ ഈ കഥ അറിയുവെന്നോ ?